bonne sainte barbe à tous les anciens mineurs

Rubrique ouverte à toutes et à tous, entre membres de l'association et autres utilisateurs enregistrés
Répondre
rol and lulu
Messages : 8
Enregistré le : ven. 21 juin 2019 20:26

bonne sainte barbe à tous les anciens mineurs

Message par rol and lulu » mer. 4 déc. 2019 09:23

Min terril ed' Noeux

Adon, min taïon, tin terril t'semblot bieau,
et t'étos à chinq lius ed' t' imaginer,
que d'ssus ch' grand mont d' caillaux,
un jour té verros des infants es' kier.

Ramintu'fte les déchintes dins tes jeon.nes années,
ed' sus tin couv'lèche ed' bouilleusse, ell' peugnée arrachée,
aveuc tes comarates, té n'étos pon l'dernier,
pour armonter l' crincon.ne, et pis arcommincher.

Quand et' mère tout épeutée, a t' voyot ar vénir,
tes g'noux in sang, et' maron.ne in morciaux,
sin couv'lèche ed' bouilleusse qui n' pouvot pus servir,
all' savot pus quo faire d' un parel zigotto.

Fallot pon vire ech' garte, et bien faire attintion,
li ch'est sur, il l'érot raconter à tin père,
té restos all' mason, té n' pouvos pus rin faire,
cor quiques jours à attinte la fin de l' punition.

Quand té pinsses, min taïon, qu' ch' est grace à vous, tertous,
qu'un jour un ingénieur, pour rinte chés gins heureux,
d'un grand mont ed' cailleaux dû qui a rin qui pousse,
a sauvé tin terril, tin bieau terril ed' Noeux.

A forche ed' dévaler toudis aux mîm.mes indrots,
ech' tracé, ch'est sûr, ch'est ti z' autes, qui l'ont fait,
asteur, ed' tin fauteul, té t'dit ec' t' a bien l'drot,
ed' croire equ' chés mineurs, n' s'ront jamais oblier.


Lucette Froget

Répondre